လွင်ႈၸွႆႈထႅမ်:ပိူင်ထၢၼ်ႈ

လွၼ်ႉၶၢဝ်ႇတဵမ်ထူၼ်ႈ တွၼ်ႈတႃႇ ၽူႈမႄးထတ်းၶဝ်း တူၺ်းတီႈ Help:ပိူင်ထၢၼ်ႈ ၼၼ်ႈၶႃႈလႄႈ။

ပိူင်ထၢၼ်ႈ ၼႆႉ လႆႈၸႂ်ႉဝႆႉ တွၼ်ႈတႃႇဢဝ် ပွင်ႈၵႂၢမ်း တီႈ ဝီႇၶီႇၽီးတီးယႃး ၵွင်ႉသႂ်ႇၶဝ်ႈၸူး ႁူဝ်ၶေႃႈၼိုင်ႈဢၼ်သေ တေလႆႈႁၼ် ၶဝ်ႈ မီးဝႆ့တီႈ ၽၢႆႇတႂ်ႈသုတ်းတီႈ ၼႃႈလိၵ်ႈပွင်ႈၵႂၢမ်းယူႇယဝ်ႉ။ ပေႃးပေႃႉသႂ်ႇ ၸိုဝ်ႈပိူင်ထၢၼ်ႈၼႆႉ မၼ်းတေၼႄပၼ် သဵၼ်ႈမၢႆ ပွင်ႈၵႂၢမ်း ၸိူဝ်းၶဝ်ႈပႃးဝႆႉ တီႈၼႂ်း ပိူင်ထၢၼ်ႈ လႄႈ ပိူင်ထၢၼ်ႈၽႄ ၼၼ်ႉယဝ်ႉ။ ပိူင်ထၢၼ်ႈၼႆႉ မၼ်းၸွႆႈထႅမ် ၼႄတၢင်းပၼ် တီႈ ဝီႇၶီႇၽီးတီးယႃး လႄႈ ၸွႆႈထႅမ်ပၼ်တီႈ ၽွင်းၶူၼ်ႉႁႃ ပွင်ႈၵႂၢမ်းၼၼ်ႉယဝ်ႉ။

ပိူင်ထၢၼ်ႈ ၸိူဝ်းမီးတီႈတႂ်ႈသုတ်း ႁင်း ပွင်ႈၵႂၢမ်း ဝီႇၶီႇၽီးတီးယႃး

ပိူင်ၽွတ်ႈႁႅၼ်း ပိူင်ထၢၼ်ႈ

ပိူင်ထၢၼ်ႈတင်းသဵင်ႈၼႆႉ ပဵၼ်ၵေႃ ဢၼ်ယႂ်ႇတေႃႇလဵၵ်ႉသေ တီႈပိူင်ထၢၼ်ႈၽႄၼႆႉ ၸၢင်ႈတေၶဝ်ႈပႃးလႆႈ ပိူင်ထၢၼ်ႈၼမ်လိူဝ်သေ ၼိုင်ႈဢၼ်ယဝ်ႉ။ ဢၼ်ပဵၼ်ၽၢႆႇတႂ်ႈၼႆႉ ပဵၼ် ပိူင်ယၢင်ႇ ပိူင်ၽွတ်ႈ ပိူင်ထၢၼ်ႈ ယႂ်ႇတေႃႇလဵၵ်ႉ ယဝ်ႉ။

ပိူင်ထၢၼ်ႈ:လွင်ႈၸႅၵ်ႇၽႄ လွင်ႈတၢင်းငဝ်ႈငႃႇ ↓ ပိူင်ထၢၼ်:ပထဝီႇ ↓ ပိူင်ထၢၼ်ႈ:ပထဝီႇ ၸွမ်းလူၺ်ႈဢွင်ႈတီႈ ↓ ပိူင်ထၢၼ်ႈ:ပထဝီႇ ၸွမ်းလူၺ်ႈၸိုင်ႈမိူင်း ↓ ပိူင်ထၢၼ်ႈ:ပထဝီႇ မိူင်းမျၢၼ်ႇမႃႇ ↓ ပိူင်ထၢၼ်ႈ:လွင်ႈၶၼ်ႈၼႃႈလိၼ် တီႈမိူင်းမျၢၼ်ႇမႃႇ ↓ ပိူင်ထၢၼ်ႈ:ၸႄႈတိူင်းၼႂ်းမိူင်းမျၢၼ်ႇမႃႇ ↓ ၸႄႈတိူင်းတႃႈလိူဝ်ႇ၊ ၸၵႂႃႇ

ပိူင်ထၢၼ်ႈၽႄၼိုင်ႈဢၼ်ၼႆႉ မၼ်းတေၸၢင်ႈၶဝ်ႈပႃးလႆႈတီႈ ပိူင်ထၢၼ်ႇတၢင်ႇဢၼ်လႄႈ လွင်ႈၵွင်ႉၵၢႆႇၵၼ်တႄႉတႄႉၼႆႉ မၼ်းတိူဝ်းသုၵ်ႉယုင်ႈလိူဝ် ဢၼ်ၼႄဝႆႉၼၼ်ႉယဝ်ႉ။ ပိူင်ၽွတ်ႈႁႅၼ်း ပိူင်ထၢၼ်ႈၼိုင်ႈဢၼ်ၼႆႉ မၼ်းတေၸၢင်ႈမိူၼ်ၼင်ႇ ႁၢင်ႈၽၢႆႇတႂ်ႈၼႆႉယဝ်ႉ။

ၼႂ်းၵႃႈ ပိူင်ၽွတ်ႈႁႅၼ်း ပိူင်ထၢၼ်ႈၼႆႉ ပိူင်ထၢၼ်ႈ ဢၼ်တူၵ်းၽၢႆႇၼိူဝ်သုတ်းၼႆႉ ပဵၼ် ပိူင်ထၢၼ်ႈ:လွင်ႈတၢင်း ယဝ်ႉ။ လုၵ်ႉတီႈ ပိူင်ထၢၼ်ႈၼၼ်ႉသေ ၶိုၼ်းၸႅၵ်ႇၵႂႃႇ ပိူင်ထၢၼ်ႇတၢင်ႇၸိူဝ်း ဢိၵ်ႇပႃး ပိူင်ထၢၼ်ႈ လွင်ႈၵုမ်းထိင်းယဝ်ႉ။

သင်ၸိူဝ်ႉဝႃႈ ၶေႃႈမုၼ်းသဵၼ်ႈမၢႆ တီႈၼႂ်းပိူင်ထၢၼ်ႈၼၼ်ႉ သင်ၼႄဝႆႉၼင်ႇ တူဝ်လိၵ်ႈၵိူင်း ၼႆၸိုင် ၼၼ်ႉၼႆႉ မၼ်းပဵၼ်ဢၼ်ၶိုၼ်းၸီႉၼႄပၼ်ဝႆႉ ပွတ်းတွၼ်ႈဢၼ်ၼိုင်ႈ ၵႃႈတီႈ ပွင်ႈၵႂၢမ်းၼိုင်ႈဢၼ် ဢမ်ႇၼၼ် ၸီႉၼႄပၼ်ဝႆႉ ဢၼ်ၸိုဝ်ႈပႅၵ်ႇပိူင်ႈၵၼ်ၼၼ်ႉယဝ်ႉ။

---

---